სიმღერა (ქარი ვარ და...)

ქარი ვარ და ქარი ვარ და,

სიომ ნაზად დაუბერა,

მიჩურჩულა, შენი ვარ და,

ჩემმა გულმაც დაიჯერა.

აღმა-დაღმა, აღმა-დაღმა,

დავცურავდი ნაზად ცაში,

რა ვიცოდი, ტყუილი იყო,

ტყუილი იყო და თამაში.

ალაგ წვიმდა, ალაგ თოვდა,

ალაგ წვიმამ გადაიღო,

ცისარტყელას შვიდი ფერიც

უგზოუკვლოდ გამქრალიყო.

აღმა-დაღმა, აღმა -დაღმა,

მიტრიალებს გულში შფოთი,

ალალ იყოს, ალალ იყოს,

თუ გიღირდა ტყუილი გროში.