ციკლიდან ,,მუხამბაზი" ,,დილის ლოცვა! " , მანანა ტონიას ლექს-კომენტარით

ციკლიდან ,,მუხამბაზი"

,,დილის ლოცვა! "

1. ცად აღპყრობილს ლოცვად, ხელებს, –

დილის მადლი შეეწიოს;

დრო თუ ნატვრებს დააძველებს,

ნატვრის ჩიტი შენ გეწვიოს.

2. რადგან ქალის ფანტაზიებს,

ვით დ რ ო – ს ი ვ რ ც ე ს, არ აქვს ზღვარი...

მე დაგიკრეფ ცისფერ იებს,

შენ ნატვრები მოასწარი.

3. თან არ გდევდეს განსაცდელი,

როგორც სევდის ქარი ,,არ გ ო ს,"

სიყვარული გყავდეს მცველი, –

ც ხ ა დ – ს ი ზ მ ა რ ი მოგიქარგოს!

ელგუჯა ციგროშვილი

თესალონიკი, 10.10. 2022 წელი 

მანანა ტონია

თუ ეს ჩემი სიყვარული,

შენს სიზმრებსაც ნოხად ჰგიებს,

ველოდები, მთელი გულით,

ჩემს სიზმრებში შენგან იებს!

ელგუჯა ციგროშვილი

ლექს~კომენტარის პასუხად

მანანა ტონიას :

( ფშაურ კილოზე .)

1 . მე , უძილოდ ~ სიზმრის

არ მწამს ,

ვერ ვირწმუნებ

ასეთ რამეს ,

რადგან ვიცი ,

მ ო ლ ო დ ი ნ შ ი , ~

თეთრად ათევს

ქალი ღამეს .

2 . თან არც იის

სეზონია ,

რჩევას მოგცემ , ~

გაიცინე ...

რადგან ი ა

სიზმარში გსურს , ~

,, დ ე დ ა ე ნ ი თ "

დაიძინე .

3 . თუ დამაცდი ,

გაზაფხულზე ,

ცხადში გიძღვნი

ცოცხალ ი ე ბ ს ,

იმედია , რომ

მანანა ,

,, ცელქ " კაფიას

მაპატიებს !

ელგუჯა ციგროშვილი .

თესალონიკი . 17.10 . 2022 წელი .