ზამთარმა უკვე დაიმოკლა ორი თვით კაბა,
მუხლისთავები გამოუჩნდა და მოჰყვა სიცილს,
იცის, რომ მალე გაზაფხული მოურთავს კალთას
და შემოაცლის დედამიწას ყინვების გვირისტს.
წყალი ჩადგება ხეთა ტანში, დაიწყებს დენას,
გამოფხიზლდება ღრმა ძილიდან მთისპირში დათვი,
არც თებერვალი არ ჩაიდებს გიჟ მარტზე წყენას,
მოყრის ენძელებს, აუსრულებს ქალ-ვაჟებს წადილს.
No comments:
Post a Comment