პაპისპაპავ!
პაპისპაპავ, ჩვენი გვარის დიდო მამავ,
იმერეთის ძველ ფუძეზე გაზრდილო,
პარიზი და ლისაბონი არ გინახავს,
საქართველო იყო შენი გულის გული,
მაჭრდებოდა ქრისტეს სისხლი ჭურებში,
საქართველოს მტრებს ებრძოდი ხმლით და ცულით,
შენს ლანდს ვხედავ ისევ ხეჭეჭურებში.
ღელავ, ღელავ, დაცვა უნდა ფუძე-კუთხეს,
ქართველ დედის რუდუნებით გაზრდილო,
დღესაც მამულს დიდ თეთრ მთვარეს სანთლად უნთებ,
ავი თვალის მზერა რომ აგვაცილო..
პაპისპაპავ, ჩვენი გვარის დიდო მამავ,
იმერეთის ძველ ფუძეზე გაზრდილო,
პარიზი და ლისაბონი არ გინახავს,
თუ დაგჭირდა, იქნებ ზეცაც აზიდო!
მაია დიაკონიძე
26.01.2024 წელი
,
,
No comments:
Post a Comment