ვიცი, გინდა, რომ მომეხვიო და სულ დამკოცნო,
შენი თვალები ამ ღამეში, ვით ალმასები,
ანათებენ და მომნუსხველი ძალით მიწვევენ,
სიყვარულს უნდა გამოსცადოს თავის ძალები.
მკერდზე დამისმევ შენს ლამაზ ხელს, გავირინდები,
გინდა, დამათროს და დამკოდოს ისრით ამურმა,
მაგრამ მე უკვე დაისრული შენს გულზე ვწევარ,
და სისხლი მირტყამს საფეთქელში ვნების ძალუმად.
No comments:
Post a Comment