სიმღერა, სატრფიალო, ხალხურ მოტივებზე

 სიმღერა

(ხალხურ მოტივებზე)

პირიმზევ, შენთვი ვლამაზობ,

გესვრი ბროლ-ლალის შხეფებსა,

იმასაც შენ ჩამოგიტან,

რაც ჩემთვი გაიმეტესა,

კენჭებს აგისხამ ფერადებს,

რომ დაიკიდო მძივადა,

არ შემიძლიან სიჩუმე,

ჩემი სინაზე ვინა სთქვა...

მოვდივარ, მომაქვს თევზები,

ორაგული და ხრამული,

შენ სიყვარულით ე გული,

სულ არის გადახრამული.

ზეცით ციხე-კოშკს აგიგებ,

შიგ დაგიკიდებ მზეებსა,

უიმედოდ ნუ დამტუებ,

სადღა იპოვნი ჩემფერსა.

მაია დიაკონიძე

30.03.2022წელი