ექსპრომტი, ავტ. ელგუჯა ციგროშვილი (ახალი ლექსებიდან, წიგნისთვის)

 ექსპრომტი

1. თუ სიმყუდროვე და სითბო გინდა,

რა გასაკვირია, – ავობს მარტი...

დედა ცივ ქვეყნებში გაგიფრინდა,

გრიგალს შეგატოვა, როგორც ბღარტი.

2. ეხლა რა გაუძლებს სიმარტოვეს,

ბედმა ხელუკუღმა აჭრა კარტი,

მაგ კუნძულს მარტო შეგატოვეს, –

როგორაც დასჯილი ბონაპარტი.

3. ცრემლებით ჰორიზონტს ნუ გაჰყურებ,

ღიმილით თვალს გიკრავს ღრუბლის ქულა,

პანდორას ყუთს თავს ნუ დაახურებ, —

იმედი ჯერაც არ ამოსულა.

4. ვიცი, შენი გული ისე ღელავს,

ძნელია, რომ რამე გაგიკვირდეს...

ცაზე ხიდად გავდებ ცისარტყელას,

დაბრუნება რომ არ გაგიჭირდეს.

ელგუჯა ციგროშვილი

ქ. თესალონიკი,19.03.2016 წელი