მინიმები

 განა ვინმეს ვუყვარვარ, ან მე მიყვარს?

მირაჟია, მირაჟია საწუთროც,

სიყვარული თამაშია, მე მგონი,

და ღმერთს შევთხოვ,

ერთი ტყვია მარგუნოს.

--------------------

შენ შემოდგომად ისე მოხვედი,

ისე დახუნძლე მკერდი მძივებით,

ბროწეულების დარად დამმარცვლე,

ვნებებში ვცურავ და ვიძირები.

-----------------------

თუ კი გიყვარვარ, დაე, გიყვარდე,

დაე, გიყვარდე ტკივილებამდე,

ასეთ სიყვარულს როცა გამოცდი,

ვერ დაგამარცხებს მერე ვერავინ!

-------------------------------

აღარც არაფერი მიხარია,

არც და აღარაფრის თავი არ მაქვს,

ვეღარ შევერიე მზეკაბანსაც,

ეტყობა, ნაადრევად დამიღამდა.