საამოდ ვტკბები ავტ. ელგუჯა ციგროშვილი

 დაგელოდები!

1.მე მიხარია,როგორც ერთხელ,

ადრე,წარსულში,

როდესაც ზღაპრის გმირებივით

გავცვალეთ თმები...

ისევ ჩამოთბა ნაწანწალებ,

გათოშილ სულში

და იმ წარსულის მოგონებით

საამოდ ვტკბები.

2.არწივის ჟინმა გაიღვიძა

ჩამოყრილ ფრთებში

და გული ისევ ძველებურად,~

სივრცეში იწევს...

ჩემი ყივილი მსურს ისმოდეს

ამ ზვიად მთებში,

ხევებში შიშით ფერმიხდილი

ნისლები იწვეს.

3.მინდა საჩვენოდ დატრიალდეს

ბედ~იღბლის ჯარა,

ჩვენზე ღიმილით ჭორაობდნენ

წყლის პირს ლოდები...

ჩემს იალაღზე გამორეკე

ოცნების ფარა,

მე კი...ნაგაზის ერთგულებით

დ ა გ ე ლ ო დ ე ბ ი !

ელგუჯა ციგროშვილი.

ქ.თესალონიკი. 02.02.2016 წელი.