ისიც კი მესმის!
რა საოცარი ხმა ჰქონია დასკდომას კვირტის,
ისიც კი მესმის, კვირტი კვირტს რომ ეჩურჩულება,
შრიალი მესმის, სიოს ნაზი შეხებაც მესმის,
როგორ იღვიძებს და მშვენდება ჩვენი ბუნება.
მესმის შენი ხმაც, შორეული ჩურჩულიც მესმის,
გულის ხმაც მესმის, დედამიწის მაჯის ტონია,
სულში რომ მოდის, იმ ბგერების ხმაურიც მესმის,
დაბადებიდან შენი სმენის ნიჭი მქონია.
No comments:
Post a Comment