არიან პოეტები, გრანდები

 არიან პოეტები - გრანდები, 

და მათი ბუმბერაზი ლანდები,

მოჰგვანან კავკასიის მწვერვალებს, 

თვით მზეზე მწველსა და ელვარეს.

არიან პოეტები - გრანდები 

და მათი ბუმბერაზი ლანდები,

კომეტად სწყდებიან მარადისს,

ცხოვრებას გვითბობენ ხალასნი,

 არიან პოეტები - გრანდები, 

და მათი ბუმბერაზი ლანდები,

უძირო ზეცაში დაფრენენ

და ქვეყნად სიყვარულს აფენენ.

სამშობლოს ნუგეშს სცემენ ცრემლიანს,

როცა ცა აქატისფერია, 

მიწაზე დარდებით დადიან,

ლექსებით იკლავენ ხვაშიადს,

არიან პოეტები -  გრანდები

და მათი ბუმბერაზი ლანდები,

ბედის ქარიშხლებად ზეობენ,

 ელვარე თვალებით მზეობენ.