ლექსები : ვით ზარაფხანა

Thursday, May 2, 2024

ვით ზარაფხანა დაცლილი ზოდით,

ისე დაცლილა ზეცა ვარსკვლავთა,

ეს საქართველო განთქმული ოდით,

ღმერთმა რომ ოქროდ მოავარაყა,

იცლება სისხლით, ვით დედა შველი,

მინადირისგან უღვთოდ დაჭრილი,

უსასოობას ვერავინ შველის...

დედანი ლეჩაქგადავარდნილნი

ფეშიშველანი მოუძღვებიან

მხოლოდღა ლანდებს სულთა მბორგავთა,

ჩვენი სისხლით კი სვავნი ძღებიან,

ადგილს უთმობენ მერე ყორანთა.

მაია დიაკონიძე

30.04.2024 წელი

ყველა რეაქცია:

Nino Rostiashvili, Tiniko Chezhia და 39 სხვა პიროვნება

ლექსები