ციკლიდან:,,კუნწულა ლექსები", ავტ. ელგუჯა ციგროშვილი

 ციკლიდან:,,კუნწულა ლექსები"

სხეულში გრძნობები ვეღარ დაეტია,

ტრფობისკენ გვიხმობენ სურვილის ზარები, 

ასეთ დროს ,,მესამე" ყოველთვის მეტია,

ჩავკეტოთ გულების ოთხივე კარები.

ელგუჯა ციგროშვილი

ქ. თესალონიკი, 1.05.2022 წელი

          ---------------------------------------------

ციკლიდან: ,,კუნწულა ლექსები"

მატარებს ბედი არეულ გზებით,

ზურგზეც გამაძრო ტყავი ცხრაპირი...

მხოლოდ შენ მელი იმ მოთმინებით, -

ვით გზააბნეულ ტალღას ნაპირი!

ელგუჯა ციგროშვილი

ქ. თესალონიკი, 19.05. 2022 წელი

         ----------------------------

ღამეა, მთვარის ცელქმა სხივებმა

უკვე ჩარეკეს ხევში წყვდიადი

და გადმოგორდა მთების იქიდან

მთვარე, ვით მეკვლის ბედის ხმიადი.

ელგუჯა ციგროშვილი

ქ. თესალონიკი, 24.10. 2012 წელი