ქუთაისს

 ,,გიყვარვარ, თუ არ გიყვარვარ", გეკითხები,

 ცეცხლს მიკიდებს შენი ტანი კენარი,

ხელთ მიპყრია ბალახვანის სახლის კლიტე,

შენს კვალს ვეძებ, ვით ძაღლი მაძებარი.

სად ხარ ჩემო ია, ია, გხმობ აიად,

სიყვარულის და ვარდების ქალაქო,

დღეს გვირილის უნდა შევკრა გვირგვინები,

მაღლა ცაში მზის სხივს გავეთამაშო.

შენს მიწაში განისვენებს დავით მეფე,

ბაგრატის ხომ შენთანა დგას ტაძარი,

და მე მაინც თუ გიყვარვარ, პასუხს ვეძებ,

პასუხს ვეძებ და ის მაინც არ არის.