თუ კი არსებობს მეგობრობით კაცის ცდუნება,
შენზე ერთგული მეგობარი არ მეგულება,
ამოგიქარგავს საქართველო გულში სურებად,
შეგიფიცია სიყვარული და ერთგულება.
განა არ ვიცი, როცა მღერი, როგორა გტკივა,
უსაქართველოდ ნათენები ყოველი დილა,
კვლავ გენატრება მხიარული სუფრა ქართული,
კედლებზე ძველი წარწერები ასომთავრულით.
გადაჭდობილი ხელი ხელზე, უკვდავი ფიცი,
ამ მეგობრობის ფასი ჩვენ ხომ ოდითგან ვიცით.
მეიდანი და რიყე, ტივი, მტკვარი, ბორანი,
შემოგრჩა გულში ვით თილისმა ღირსსსახსოვარი.
No comments:
Post a Comment