ჰე, ქართველო! (პირველი ვარიანტი)
განა ვარდებს აღარ ისხამს დალოცვილი აისი
ან ბულბულის მოძახილი ღვთიურ ლოცვად არ ისმის?!
აკვნიდანვე ხომ შევიტკბეთ დედის რძე, ვით ბადაგი,
ჰე, ქართველო, სანამ მიწა მოგვიხმობს და გვეძახის,
გავახაროთ პურის ყანა, ქარვისფერი ვენახი,
რომ სამშობლოს სიყვარულით სავსე გვქონდეს გულები,
ვემსახუროთ ჩვენს საფიცარს რწმენით და ერთგულებით.
მაია დიაკონიძე
21.05. 2023 წელი
ჰე, ქართველო! (მეორე ვარიანტი)
იმედის შუქს კვლავაც მოგვცემს დალოცვილი აისი,
შაშვ-ბულბულის მოძახილი ღვთიურ ჰანგად გაისმის!
შაშვ-ბულბულის მოძახილი ღვთიურ ჰანგად გაისმის!
ჰე, ქართველო, სანამ მიწა მოგვიხმობს და გვეძახის,
გავახაროთ პურის ყანა, ქარვისფერი ვენახი,
რომ სამშობლოს სიყვარულით სავსე გვქონდეს გულები,
ვემსახუროთ ჩვენს საფიცარს რწმენით და ერთგულებით.
მაია დიაკონიძე
21.05. 2023 წელი
No comments:
Post a Comment