ნეტავ, რაზედ შემიყვარდი?!
(ხალხურ მოტივებზე)
ნეტავ, რაზედ შემიყვარდი,
ან შენ შეგიყვარდი რაზედ,
ორივესი ბედისწერა
მე - შურთხი და შენ - არწივი,
მომყვებოდი ალბათ კვალზე,
კლანჭის გაკვრა დააპირე,
ჩაიცმევდნენ მთანი ძაძებს.
თვალი თვალს რომ გამიყარე,
ძარღვში ელდამ დამიარა,
ვთქვი: - გავხდები მისი კერძი,
თუ კი აღარ დაიშალა.
შედრკი, შეცბი, მოიღვენთე,
თითქოს წერამ აგიტანა,
გულზე ნაზად მიმიკარი,
სიყვარულით, არ კი ძალად.
მე - შურთხი და შენ - არწივი,
მომყვებოდი ალბათ კვალზე,
ნეტავ, რაზედ შემიყვარდი,
ან შენ შეგიყვარდი რაზედ.
მაია დიაკონიძე
15.05.2023 წელი
,
No comments:
Post a Comment