ოქროს თევზის სურვილი
მას არ ხიბლავს სანაპიროს
ჭრელ კენჭების არშია,
რადგან იცის, მ ა რ გ ა ლ ი ტ ი
ზღვაში, – ნიჟარაშია.
მის დაჭერას ყველა ცდილობს,
ბევრი დაფაცურდება...
შენ არც ბ ა დ ე არ გჭირდება, –
თვითონ მოგიცურდება.
ისურვე და აგიხდება
გულით ნასურვილები: –
მ ა რ ჯ ნ ი ს ყელსაბამი გსურს თუ
მ ა რ გ ა ლ ი ტ ი ს ღილები.
მაგრამ ერთს გთხოვ, დ ა ს ა ჭ ე რ ა დ
ის არ გამოიმეტო,
მისი ფ ი ქ რ ი ს სანაპიროვ,
მარტოსულის ი მ ე დ ო.
ა კ ვ ა რ ი უ მ ს ვერ აიტანს
მისი ლ ა ღ ი ბუნება,
ვერ იცოცხლებს,
ზღვის ტალღები
თუ არ ებუბუნება!
ტყვეობაში ვერ იქნება
ტკბილ სიზმართა გამთევი...
ოკეანეც კი არ არის
მის ოცნებათ დამტევი!
ელგუჯა ციგროშვილი
თესალონიკი, 28.09. 2022 წელი
ალავერდობა
No comments:
Post a Comment