მე შენს ძებნაში გავილიე (სატრფიალო)

მე შენს ძებნაში გავილიე, როგორც ფოთოლი,

ქარის ტალღებს რომ აჰყოლია, გიჟივით აშლილს,

უკიდეგანო სამყაროში ძებნით დაღლილი,

ბნელში მივწექი და ჩრდილებში ჩავინთქე ღამის,

მაგრამ უცბად შენ დაგინახე, თეთრი რაინდი,

სხივი აანთე და თვალებში შემომანათე,

იმ ღამეს მივხვდი, ჩემს თავს უკვე აღარ ვეკუთვნი

და ყველგან ვეძებ შენი თვალის მნათობ ანარეკლს.

მეორე ვარიანტი

მე შენს ძებნაში გავილიე როგორც ფოთოლი,

ქარს აყოლილი, მომლოდინე შეხვედრის ჟამის,

უკიდეგანო სამყაროში ძებნით დაღლილი,

ბნელში მივწექი და ჩრდილებში ჩავინთქე ღამის.

მაგრამ... უცბად შენ დაგინახე, თეთრი რაინდი,

შემომხედე და წამიკიდე მე ტრფობის ალი,

იმ ღამეს მივხვდი, ჩემს თავს უკვე აღარ ვეკუთვნი,

შენ მოგიძღვენი საპატრონოდ გული და თვალი.