სალაღობო, ავტ. ელგუჯა ციგროშვილი, კაფიაობა მაია დიაკონიძესთან

ც ი კ ლ ი დ ა ნ :

,, ს ა ლ ა ღ ო ბ ო . "

ზ ღ ვ ა ზ ე .

ზ ღ ვ ა ნაპირს ელაციცება ,

პ ლ ა ჟ ზ ე ხალხია მილეთის ...

შ ი შ ვ ლ ე ბ ი ს ცქერა მუქთაა ,

ყიდვა არ უნდა ბილეთის ,

მ ე ... თ ვ ა ლ ი არსად გამირბის , ~

ცქერა მკმარია იმ ე რ თ ი ს !

ელგუჯა ციგროშვილი.

ქ . თესალონიკი.

8 . 07 . 2019 წელი.

მარტო ცქერა რომ არ კმარა,

მიდი მოკიდე ხელია,

ბედი თამამებს თუ სწყალობს,

იქნება შენი ჯერია.

მაია დიაკონიძე

ქ. თბილისი,

8-07-2021 

კაფიის პასუხად მაიას .

( ფშაურ კილოზე .)

1 . არის ფშაური ანდაზა ,

სიბრძნეს მოვიხმარ ძველსაო :

,, წააქეზიან ძუკნაი ,

შააჭმივიან მგელსაო !"

2 . თქვენ წაქეზებით , მაიავ , ვიღაცა მამწყვეტს წელსაო ,

პლიაჟზე თავს ვერ შავირცხვენ ,

ვერც შავუბრუნებ ხელსაო ...

ელგუჯა ციგროშვილი.

ქ . თესალონიკი.

8 . 07 . 2021 წელი.

ეგ, ვაჟო, როგორ იფიქრე, 

შაგაჭმევინო მგელსაო,

მეგონა, სიკეთეს ვამბობ,

გამოიღებდი ხელსაო,

თუ ეგეთ მშიშარ ყოფილხარ, 

მით ავხსნი ყველაფერსაო.

მაია დიაკონიძე

ქ. თბილისი

08. 07. 2021წ.

კაფიის პასუხად

მაია დიაკონიძეს .

(ფშაურ კილოზე .)

1. მშიშარა სულაც არა ვარ ,

გაზდილი შოთას ლექსითა ,

ზნეობის ვიცავ კანონებს , ~

თავის რიგით და წესითა .

2 . არ მიყვარს არვის სინაგლე ,

თავს ვერც აკადრებ ამასა ,

გადებული მაქვს ქალებთან

ჩემი ზნეობის თამასა .

3 . ვნების ღადარიც რომ მწვავდეს ,

მახრჩობდეს ტრფობის წყურვილი ...

ძალით არ მოვეფერები ,

თუ ქალს არა აქვს სურვილი .

ელგუჯა ციგროშვილი.

ქ . თესალონიკი.

8 . 07 . 2021 წელი.

ზნეობა არ დაიცვაო, მაგას მე როგორ გეტყოდი,

მამაპაპურ წესს, რომ იცავ, ამასაც კარგად ვუწყოდი,

სითამამე კი ვაჟკაცსა აძლევს პეწსა და ეშხსაო,

სიმორცხვე ქალის საქმეა, ესმის ყრუსა და ბეცსაო.

არც იმას გეტყვი, ქალებთან გადადი წესს და რიგსაო,

თუ თავი არ დაანახე, ვინ დაგინახავს ნიჭსაო,

ვნებით თუ იწვი და მალავ, არც ეგ მიმაჩნის სწორადო,

ღადარი თუ არ გაქექე, ვერც იმას დაწვავ ცოცხლადო.

მაია დიაკონიძე

ქ. თბილისი

08.07. 2021წელი

კაფიის პასუხად

მაიას .

(ფშაურ კილოზე .)

თუ რამე გასარკვევია ,

ხალხურ სიბრძნეა

უდაო ...

ბალღობიდანვე

მასწავლეს , ~

,,ს ი ყ ვ ა რ უ ლ ს

მ ა ლ ვ ა უნდაო !"

ელგუჯა ციგროშვილი.

ქ . თესალონიკი.

9 . 07 . 2021 წელი.

სიყვარულს მალვა უნდაო,

ვისგან და რისგან, ეგ არის,

თუ ვინაც გიყვარს, არ უთხარ,

მაშ ტრფობის აზრი მითხარი.

მაია დიაკონიძე

ქ. თბილისი, 

09-07-,2021წ.

სიყვარულს მალვა უნდაო ,"~ ვის უნდა გრძნობა ნამალი ?! სატრფოსთვის , სიტყვა ,, მ ი ყ ვ ა რ ხ ა რ !" ~ არის პირველი წამალი ! (ჩემი პასუხის მეორე ვარიანტი)

ლია შენგელიძე

11.07. 2021წ

ცვალებადი ზნისაა,

რას გაუგებ ქალს,

ფრთხილად თუ არ მიუდექ,

გაგიტეხავს თავს!

ირინა ხურციძე

11. 07. 2021წ.

აი მესმის შაირი, აი მესმის კაფია,

ეკლიანი ბილიკი სხვას ვის გაუკაფია,

ცოტა კომპლიმენტი და ქალიც შენი გახდება,

და ეს გულის ოცნებაც რეალურად ახდება.

ცაგო აბაშმაძე

11.07. 2021

ბატონ ელგუჯას აცდუნებთ,

ვაჟია ერთობ ერთგული,

თუ გვერდით ერთადერთი ჰყავს,

სხვას რად შეხედავს სხვა გულით????

•