მინდა შევიგრძნო მიწის სიმყარე,
რომ დედამიწა ჩვენი ფარია,
და მერე თუნდაც კენჭი მიყარე,
სიკვდილი ქვეყნად არ ახალია.
და ჩვენი გზაა ფერიცვალება,
გარდავიქმნებით ლოდებად, ტინად,
ჩავიხერგებით ბარიკადებად,
ქვეყნის მცველებად დავიდებთ ბინას.
ნუ მისცემთ თქვენს ძვლებს სხვათა საძვალეს,
აკვანს დაგირწევთ მშობელი მიწა,
თორემ თუ კიდევ ცოტა ვაცალეთ,
გადაიქცევა ეს ქვები ქვიშად.
No comments:
Post a Comment