როგორ დავტოვო ის სიყვარული,
ბავშვობიდანვე უკან რომ მომდევს,
ხან თმებს მაწიწკნის, ხან მეფერება,
მაყვლის ბუჩქი და შეწნული ღობე.
თვალებში ელვად სკდება კვირტები
ალუბლების და ბროწეულების,
და წლების მერეც მაინც ვკვირდები,
საგაზაფხულო ამ წვეულებით.
ვარდების ბაღი როგორ მშვენდება,
როგორ ირწევა ბოგირი ქარში,
მერცხლების ბუდე როგორ შენდება,
არ მოუშალო, უფალო, ამინ!
No comments:
Post a Comment