ვაჟო (სატრფიალო)

ვაჟო, ამაღამ სიზმარში მოვალ, 

და დაგიკოცნი მაგ ცისფერ თვალებს,

იქნება იგრძნო შენ ჩემი სუნთქვა

და გამიცვალო შენში ამ ღამეს.

გვერდს მოგიწვები, იგრძნობ ჩემს სითბოს

და სიმხურვალეს ნაზი ტუჩების,

როგორ ხაფანგში გაბული ჩიტი,

მოსაფერებლად დამიყუჩდები.

ვერ დამივიწყებ მერე ვერასდროს,

ჩემი სურვილი მუდამ გაგთანგავს,

და გაიგონებ ჩემს ძახილს ოდეს,

შენც გამოყვები ამ ჩემს გზა და კვალს.