უფალს ვთხოვ სულის სიმშვიდეს,

მძიმედ მივცურავ ფიქრებში,

ფანჯრებთან უნდა მივიდე,

ძროხა ჩანს დიდი ჯიქნებით,

ბებია რქებზე ხელს უსვამს,

ბაბუ ბოსლის კარს გაუღებს,

არ შესცივდესო, ყინვაა,

სადგომში თივას ჩაუფენს,

თოვლით შესვრილა მიდამო,

ტოტები ჩაუზნექია,

მამა სახურავს ამაგრებს,

დედა ცეცხლს ჰმატებს კერიას,

რა მადლიანად მოთოვა,

თოვლის ფიფქს ვიჭერ ხელებით,

ხან თეთრონ რაშზე მივფრინავ

თეთრი ღრუბლების შეხებით...

უფალს ვთხოვ სულის სიმშვიდეს,

მას თუ გავუმხელ ხვაშიადს,

მიცხობს ბებია ხაჭაპურს...

მის ხელებს ვკოცნი მადლიანს.

მაია დიაკონიძე

4.09.2017 წელი

ყველა რეაქ