მოყვასიც არის გვერდით!
,, ვინა ხარ, ვის დაჰკარგვიხარ?!",
გეტყვის ვიღაცა ყვედრით...
ნუ გჯერა ენამწარისა,
არ გიფასებენ დიდ შრომას?!
ვიღაც ბოროტი გებრძვის?!
ტალახით სვრიან შროშანსაც,
მოყვასიც არის გვერდით!
სული სინაზით სავსე გაქვს,
უფალს სხვის კეთილს ჰვედრი,
ვიღაც თუ აუგს გაბედავს,
მოყვასიც არის გვერდით!
კარს გაგიხსნიან სამოთხის,
თავს დაგხურებენ მერდინს,
ავს არ შეეკრა აროდეს,
მოყვასიც არის გვერდით!
გესლი პირიდან ამოსდით,
უფალს გაუპეს ფერდი,
შეგაფასებენ სამოსლით?!
მოყვასიც არის გვერდით!
მაია დიაკონიძე
18.09. 2023 წელი
No comments:
Post a Comment