ზოგჯერ ყალბია გაღიმება!
ზოგჯერ ყალბია გაღიმება, ყალბია სიტყვაც,
არ ვამბობთ ხშირად რაც უნდა ვთქვათ, რაც უნდა ითქვას,
სიყვარულისთვის ჩარაზული გულის კარებით
და ის ღიმილიც ნეტავ რისთვის მოვირგეთ პირზე,
ვისაც სჭირდება, ის თუ ისევ პირქუშად გვიმზერს,
თუ ოქროს თევზიც არა ჰყვება ზღვის ჩქერში ანკესს,
თუ აღარავინ არ კითხულობს ჯადონურ ზღაპრებს.
გაუწყალოვდა ჩვენი ხორცი, გამშრალა სისხლი,
აღარც კი გვიყვარს საქართველო თუნდ ერთი მისხლით,
ბარემ შემოვკრათ სხვა ტომელთა დოლს და ტამტამებს
და ვამცნოთ ყველას, რომ ქვეყანა სხვას ჩავაბარეთ!
მაია დიაკონიძე
19.07.2023 წელი
No comments:
Post a Comment