ხმას არ მცემ, დუმხარ, მიღიმი,
შენთან ლაპარაკს ვნატრობ,
სულის შეძვრამდე მიყვარხარ,
გვერდს ნუ ამიქცევ, ქალო.
ის აღარ განმეორდება,
რაც რომ სიზმარში ვნახე,
მე ვიჯექ ტახტზე მეფისა,
შენ კი მეწვინე მკლავზე,
გეცვა ფარჩისა კაბა და
ყელს გიმშვენებდა მძივი,
ტუჩებზე გეკონებოდი,
კვლავ ჟრუანტელი მივლის.
გამოიხედე, ქალაუ,
მაგ თვალთა ეშხით მთქორე,
სიტყვასაც ნუ დამამადლი,
სიზმარს ავიხდენ თორემ.
No comments:
Post a Comment