როცა შენგან არაფერი მესმის,
მინდა შენთან მუდამ ახლოს ვიყო,
შარბათივით ტკბილი შევსვა ღვინო.
ვისაუბროთ ცოტაზე და ბევრზე,
სიყვარულის დრო დადგება მერე,
ვნებიანად შემოგხედავ თვალში,
შევისუნთქავ შენი სუნთქვის ჰაშიშს,
სალუქია შენი ხმა და კანი,
ზღვასთანა მაქვს მგონი პაემანი,
ტალღებივით ხარ ფაფუკი, რბილი,
ხან ზვირთებად გაშმაგებით მივლი.
მიმაწვდინე ცის და მთების კიდეს,
ვხედავ, ხელსაც არაფრით არ მიშვებ,
მე კი მინდა ქვევით ჩამოვფრინდე
და ამისთვის ვერ ვპოულობ მიზეზს.
No comments:
Post a Comment