ბულბულიც ხარ, იადონიც! (სახუმარო-სატრფიალო, სიმღერა)

ჩემი ნაზი ფიქრიც შენ ხარ,

ჩემი თეთრი პეპელაც,

გულიდან ვერ ამოგიღე,

ღმერთს ასე თუ ენება.

ბულბულიც ხარ, იადონიც,

ყურს დამიტკბობ ჰანგებით,

მგონია, რომ ღვინო შევსვი

და იმითი დავთვერი.

ანგელოზი თუ ჩამოდი

და ზეცაში მომიხმე,

არც მაგაზე გეტყვი უარს,

იქ აგიხდენ სურვილებს.

სულ არ ვნაღვლობ ამ სიცოცხლეს,

ოღონდ შენს გვერდზე ვიყო,

თორემ შენმა სიყვარულმა

შეხე, გოგოვ, რა მიყო.