ჩემო ლამაზო ისიდა!
იქნება, სულის ნაწილებს
აღარ კორტნიდეს ყორანი,
მიპოვნე, მიწა საწილე,
შენს ოსირისად მიცანი,
ათას ნაწილად დაჩეხილს
ანდამატივით მიზიდავ,
დაარჩენ, ვიცი, ჩემს ხეხილს,
ჩემო ლამაზო ისიდა.
მაია დიაკონიძე
10.06.2021წელი
ისიდა (ძველეგვიპტურად „ისეტ“ ან „ასეტ“) — ძველი ეგვიპტის უზენაესი ღვთაება, ოსირისის და და ცოლი. ოსირისის კულტთან უმჭიდროეს კავშირშია ისიდას კულტი. ისიდა იყო ნაყოფიერების, დედობის, სიცოცხლისა და ჯანმრთელობის ქალღმერთი. ერთი ეგვიპტური მითის მიხედვით ოსირისი მოკლა ბოროტმა სეთმა და მისი სხეულის ნაწილები მთელ დედამიწაზე მოაბნია. გამწარებულმა ისიდამ მთელი დედამიწა შემოიარა, რათა შეეგროვებინა მისთვის უსაყვარლესი ადამიანის სხეულის ნაწილები.
No comments:
Post a Comment