მინიმა

აქ, ამ არეზე, სუსხია, ცივა,

ლექსთა ჩანჩქერის ვუყურებ ვარდნას,

ბულბულებს ნაზი ბულბული სცვივათ,

ვეღარ უმღერენ წვიმიან ვარდნარს.

მინიმა, ლალი ამაზაშვილი, კომენტარი ელგუჯა ციგროშვილის

***

ხვალ სიმარტოვის მეჯლისზე წავალ,

იქ მე ვიქნები პირველი ლედი,

ხვალ სიმარტოვის მეჯლისზე მძებნეთ,

მე ჩემს ზღაპარში გამოწყობილი..

ლალი ლალი (ლალი ამაზაშვილი)

29.06.2012 წელი

ელგუჯა ციგროშვილის კომენტარი ლექსზე და სურათზე:

,, ხვალ სიმარტოვის

მეჯლისზე წავალ,

იქ მე ვიქნები

პირველი ლედი! -

შენს მარტოობას

ეღება ბოლო,

ვხედავ, რომ შენკენ მოფრინავს გედი!

კვლავ მეორდება

ძველი მითები,

იქნებ შენც იქეც მითიურ

,,ლედა"-დ

და თვითონ ზევსი გიახლოვდება,

დიადი ზევსი,

ქცეული გედად!

ელგუჯა ციგროშვილი

ქ . თესალონიკი

29 . 06 . 2012 წელი

მე მიხარია, საქართველოვ!

მე მიხარია, საქართველოვ, ვარ შენი შვილი,

რომ შენს მიწაზე დამირწია აკვანი დედამ,

შენი ჩონგური დღეს ვერ მღერის სიმებაშლილი,

კვლავ ვუსათუთებ ჩემს კერაზე  ცეცხლის ნაღვერდალს.

თუ ალბიონზე აინთება მზე კიდევ ერთხელ,

ნიშანი არის, ცოცხალია ქართველი გენი,

გადავაგორებთ ამ დღესაც და რა არის მერე?!

უიმედობას შეუპყრივართ, -  ვერ. აღწერ ენით.

მაინც ხმაურობს ალაზანი, თერგი, იორი...

და ფეთქავს გული სვეტიცხოვლის დიადი ტაძრის,

ვერ დადუმდება მიწა დიდი გალაკტიონის,

საქართველოა ჩვენი სუნთქვა, ცხოვრების აზრი.

მაია დიაკონიძე

21.08.2023 წელი

შორენას ბედი

 შორენას ბედი

მფრინავ პეპელას რა უნდა ნეტავ?!

წოვოს ყვავილის ტკბილი ნექტარი,

ეწიოს ფიქრებს ნაზსა და ნეტარს,

როგორც ასული ციხე კვეტარის.

და თუ გაფრენაც იქნება ბოლო,

ხანმოკლე არის სიცოცხლე პეპლის,

ნუ აღმოჩნდება ეს ფრენა ოღონდ,

გაზიარება შორენას ბედის.

მაია დიაკონიძე

27.06.2024 წელი

მინიმა, ჩაის ვსვამ

ჩაის ვსვამ და მის სიტკბოში ვატან

ყველა სიმწარეს, თუ რამ მქონია,

და თან ვიხსენებ ბაბუას ხარდანს,

ცხოვრების მთავარ ალეგორიას.

მაია დიაკონიძე

27.06.2024 წელი

ხარდანი - სარიანი ვენახი

გამიფერმკრთალდი!

გამიფერმკრთალდი, ცაო, უკვე აღარ ხარ ლურჯი,

შენი თვალები გადაფარეს შავმა ღრუბლებმა,

ახლა შენს გულში ვარსკვლავების ჩასახვას ვუცდი,

გამოანათონ ვით ალუბლებმა.

ბუ-ზარნაშონი დაიწყებენ ყეფას და ძახილს,

მეც მთვარეს, როგორც ჩემს დიდ მეგზურს დაველოდები,

ძვირფასი არის, ახლა ვხვდები, ყოველი წამი

მოზარნაშული ოქრის ზოდებით.

,

შენ დაღლილი ხარ!

შენ დაღლილი ხარ!

შენ დაღლილი ხარ, მეგობარო,

შენ დაღლილი ხარ,

ვერ გაუმკლავდი ორთაბრძოლას,

დროსთან კორიდას,

სევდა მიწისთვის შენს თვალებში

ისე დიდია,

ისიც არ იცი, საიდან და

რისთვის მოვიდა.

აბარბაცდება მრუმე ნისლი

თეთრი მთებიდან,

და გამოჩნდება მწვერვალები

კავკასიონის,

იქნებ პასუხი სიმართლისა

მოგცეს თემიდამ,

გაუცემელი კითხვები არ

დაგრჩეს იოტიც.

მაია დიაკონიძე

27.06.2024 წელი

მე რას მერჩოდი, მურადა!, კომენტარი ამირან გოდერძიშვილის

მე რას მერჩოდი, მურადა!

მე რას მერჩოდი მურადა,

ამ სისხლს ურევ და აოტებ,

რად ზიხარ, მითხარ, ძმურადა,

ამ სოფლის სასაფლაოზე.

აქ არც მომსვლელი არა ჩანს,

აღარავინ ხნავს ალოებს,

არვინ უგზავნის ყაბაჩას

ამ სოფლის საპატარძლოებს.

აღარც ზარების ხმა ისმის,

აღარც დალოცვა ხევისბრის,

აღარც ჭახუნი სასმისის.

აღარც ცხენებით შეჯიბრი.

ძაღლო, კაცის ძეს რა მიყავ,

ქცეულხარ სოფლის მცველადა,

შენ ხომ მაშინაც აქ იყავ,

მამა ბალახს რომ ცელავდა.

მაია დიაკონიძე

25.06.2024 წელი

ამირან გოდერძიშვილი

ულამაზესი ლექსი—- ქართველთა გამოსაფხიზლებლად!!!....

შორენას ბედი

მფრინავ პეპელას რა უნდა ნეტავ?!

წოვოს ყვავილის ტკბილი ნექტარი,

ეწიოს ფიქრებს ნაზსა და ნეტარს,

როგორც ასული ციხე  კვეტარის.

და თუ გაფრენაც იქნება ბოლო,

ხანმოკლე არის სიცოცხლე პეპლის,

ნუ აღმოჩნდება ეს ფრენა  ოღონდ,

გაზიარება შორენას ბედის.

27.06.2024 წელი

,,პეპელების გადაფრენა!" ექსპრომტად ეკას!, ავტ. ელგუჯა ციგროშვილი

 ელგუჯა ციგროშვილი

,,პეპელების გადაფრენა!"

ექსპრომტად ეკას!

მოუქარგიათ მინდორ-ველები,

ვკითხავ გვირილებს...გოგოვ,ვინ გიყვარს?

როგორც ამბობდნენ რომაელები:

,,ყველა გზა ალბათ რომში მიგიყვანს!"

ექსპრომტად დაგვიანებულ ,,ე-ჯ"-ს!

 ექსპრომტად დაგვიანებულ ეკა ჯავახიშვილს!

1.შენ რომში გელის შენი წილი

ვარდების კონა...

და შენი წასვლის სურვილი თუ

მართლა დიდია,

მომდევნო რეისს დაელოდე,

რამ დაგაღონა,

ხომ გაგიგია:,,ყველა გზები

რომში მიდიან!"

2.არვის დაუთმო ეგ ბილეთი,--

ბოლოს ინანებ,

ირგვლივ მრავალი მეკობრეა

და მოთარეშე,

სხვები მომკიან შენს მოსამკალ

ხოდაბუნ ყანებს,

შენ კი დარჩები

საოცნებო რომის გარეშე.

3.არა მჩვევია ცუდ-უბრალოდ

ფიცი და მტკიცი,

ალბათ თვითონაც მრავალ მარშრუტს

ერთურთს ადრიდი...

რჩევას კი მოგცემ,რადგანაც ეს

ნამდვილად ვიცი:

რ ო მ ს ვერ შეგიცვლის,ვერც პარიზი

და ვერც მადრიდი.

P.S.,,ყველა გზა რომში მიდის!"

ელგუჯა ციგროშვილი.

ქ.თესალონიკი.24.06.2016 წელი.

კაფიობა (ელგუჯა ციგროშვილი, ეკა ჯავახიშვილი)

ბარამ გურჯი

9 სექტემბერი, 2016  · 

ბედნიერები ხშირად ერთი და იგივე ადამიანები არიან...

რატომ?!

მათ ბედნიერების რეცეპტს მიაგნეს თუ რაიმე საიდუმლოს ფლობენ?!

არა...

უბრალოდ მათ გული გაუხსნეს ბედნიერებას და მიიღეს ისეთი, როგორიც იყო, ანუ ყოველგვარი პრეტენზიის, კირკიტისა და წუწუნის გარეშე...

P.S.

ეცადე, შენც ასე მოიქცე...

 ეკა ჯავახიშვილი

შეიყვარე შენი თავი და იქნები ბედნიერი. ისწავლე გულგრილობა ყველას მიმართ და იქნები ბედნიერი. შეეშვი სხვაზე ფიქრს, გამოიყენე დრო შენი სიამოვნებისთვის და იქნები ბედნიერი. ვინც შენს ბედნიერებაზე არ ფიქრობს, გაუშვი თავის გზაზე და იქნები ბედნიერი. არ მიიღო ბედნიერება , თუ მასში შენს ბედნიერებას ვერ ხედავ, გაეცალე და იქნები ბედნიერი. ვერაფერში დავეთანხმე ბარამ გურჯს. 

• 7 წ.

  7 წლის წინ
• ჩასწორებული

აქტიური

ელგუჯა ციგროშვილი

ეკა გურჯი--ბარამ გურჯის წინააღმდეგ!

1.ნაღდად ვერაფერ გავიგე,

ბარამ და ეკა გურჯისა,

ბარამ თეთრს აქებს,ეკა კი

მქებელი არის ლურჯისა.

2.ამბობენ,რომ დედას ესმის

ჟესტი და ენა მუნჯისა...

ვის დაუჯეროს, ეგ არის

სადარდებელი გუჯისა.    

ელგუჯა ციგროშვილი.

ქ.თესალონიკი.13.09.2016 წელი.

• 7 წ.

  7 წლის წინ
• ჩასწორებული

ეკა ჯავახიშვილი

ბედნიერება ის არის,

დროს ვარდებივით რომ ფურცლი,

შენ რას გაიგებ ციტატა,

თუ არ დაგიდე კონფუცის.

ნუ გაგიხდება სადარდი

ვისი გჯეროდეს და არა,

მხოლოდ საკუთარ თავისო

ეს თქვა-დალაი ლამამა.

P.S. გვარს ნუ შემიცვლი, ჩემიც მაქვს

მყოფნის ტერფიდან თავამდე

გლეხისგან რამის ბოძება

არა გვჩვევია თავადებს   

• 7 წ.

  7 წლის წინ
• ჩასწორებული

აქტიური

ელგუჯა ციგროშვილი

კაფიის პასუხად ეკას.

(ფშაურ კილოზე.)

1.თუმც სიბრძნე „გადმოაფრქვიე"

კონფუცისა და ლამასი,

შენი კაფია,ეკაო,

სულაც არ არი ლამაზი.

2.ამპარტავნობის სუნი სცემს,

ვერც ბრწყინავს,როგორც ალმასი...

არც გლეხ იყო, არც თავადი,

ჩემ წინაპარი სამასი.

3.წოდებები არც მე მხიბლავს

და მყოფნის ჩემი ფშავლობა...

მაგ შენს შარვალს კი ეტყობა,

„კნიაზურ" ჩამომავლობა! 

4.ნურც ისტორიას გაატან

გადავიწყების ნიავ-ქარს,

გ ლ ე ხ ბოსტაშვილმა, ერეკლეს,

თავისი ცხენი მიართვა.

5.არც მეფემ იუკადრისა,--

(მეფე არ არის თავადი...)

ან შენ რა გრჯიდა ნეტავი,

ამ ჩემ ყბაში რომ ჩავარდი.  

ელგუჯა ციგროშვილი.

ქ.თესალონიკი.14.09.2016 წელი.

• 7 წ.

  7 წლის წინ

ეკა ჯავახიშვილი

არ მითხოვია შენთვის რა

რაში დაგჭირდა ქველობა,

არაგველობა ახსენე

შენ მოგიხდება გველობა.

ვინ გითხრა გაიზიარე

ჩემი ,,ნაფრქვევი" სიბრძნენი,

გლეხობას უკადრისობ თუ

თავ რომ პატარა იგრძენი.

გემოვნებაზე არ ვდაობ

ჩაცმასაც უნდა უნარი,

,,კვირის პალიტრა" გადადე

იყიდე მოდის ჟურნალი.

ყბა-ღონიერი რომა ხარ

ვიცით, არ გაგაპიარებ,

როგორ სიტყვასაც მომაცხებ,

მეც ისე ,,გაგაპრიალებ"