სიტყვა

 სიტყვა

ვითომ სიყვარულით, გკლავენ,

გახვედრებენ შხამის ისარს,

ვითომც არაფერი, წავლენ,

შეგინგრევენ გულის ფიცარს.

ვითომც არაფერი, სიტყვას

თითქოს არ აქვს არა ფასი,

არაერთხელ ვიტყვი, მითქვამს,

სიტყვა არის შინაარსი.

უსიტყვობაც აზრი არის,

იგულისხმო უნდა ბევრი,

განა უსიტყვობის აღთქმას

ტყუილად დებდა ბევრი ბერი.

სიტყვა - აღთქმა, სიტყვა - ფიცი,

ვაქებ, ვაქებ ჩემს საფიცარს,

მაგრამ სიტყვამ, ისიც ვიცი,

ბევრი ვინმე დაამიწა!

მაია დიაკონიძე

2.06.2024 წელი