გატკენენ, კლავენ გულს სუფთას, ალალს,
თანაც ვინ? ქურდი, ხარბი, მედროვე,
ეშმას ცდუნებას უთხარი, არა,
და მათ ჯინაზე მაინც იცხოვრე!
შენ მიაგებე კეთილი სიტყვა,
სიბილწეს, შენკენ რომ გაისროლეს,
არ თქვა სიავე, აროდეს გითქვამს,
და მათ ჯინაზე მაინც იცხოვრე.
სულში ახარე ვარდი და ია,
შურისძიებას არცა ფიქრობდე,
ეყოთ, რომ სულში ეშმაკებს ზრდიან,
იმათ ჯინაზე მაინც იცხოვრე.
No comments:
Post a Comment