შენი სურვილი

შენი სურვილი ნისლად მდიოდა,

გადავიარე ყველა წარაფი,

და მხოლოდ დიდმა ღმერთმა იცოდა,

შენ რას კარგავდი, მე რას ვკარგავდი. –

თუ კი შემჭამდა უღრანში მგელი,

თუ გავხდებოდი ძერათა წერა,

შენ მონადირე სიათით ძველით,

გადამარჩენდი უთუოდ, მჯერა.

შენი სურვილი ნისლად მდიოდა,

შენ ხომ არავის ქვეყნად არ ჰგავდი,

და მხოლოდ მე და ღმერთმა ვიცოდით, 

რომ ჩვენ ერთმანეთს არ დავკარგავდით.