,,აგვამაღლებსო სიყვარული", წინაპართ უთქვამთ,
და ჩემს თვალებშიც სიყვარულის ცეცხლი ანთია,
მიყვარს ყოველი, ქვა, მდინარე, ხის ხავსი თუნდაც,
სიკეთის ქმნისა ძალა ჩემში ათჯერ-ათია.
ბოროტებასთან ვერ ვთანხმდები, კეთილი მძალავს,
დე, მან გაიდგას ფესვი ძლიერ ჩემს ნატანჯ სულში,
და თუ ლოცვები, გალობანი ზეცაში ავა,
შენც არ მოკვდები არასოდეს ღვთის კეთილ გულში.
No comments:
Post a Comment