სანამ სული სულად მქონდა,

სანამ ვარდი ვარდად იყო,

მომხვეოდი, არ გინდოდა,

დავჭკნი უკვე, რაღა გიყო.

კუპიდონი ძილში შემომისახლდა,

მომართვა და მასვა ალადასტური.,

მოვლენების განვითარდა ტრიადა,

სიყვარულის ახსნა, კოცნა, დასტური.

განქარდა და გაიფანტა ნისლები,

შემოფრინდნენ თეთრი შუქის ქალწულნი,

ლამაზები, როგორც ნაზი ნიმფები,

ვით მუზები, ზევსის ლაღი ასულნი.

მომაფრქვის ქარვა, ვარდი, მუსკუსი,

გამაფრინეს, სადაც თურმე მელოდნენ,

იქ ვისმინე თეთრი მტრედის ღუღუნი

და ვემთხვიე ჩემს ცისფერ ანგელოზებს.

,