ბაბუაწვერა, ჩანახატი
მახსოვს, ბავშვობაში, ერთხელ დედასთან ერთად მინდორში ვსეირნობდი. მუჭშეკრული მივედი და ვერაფრით გამახსნევინა ხელი. გაუკვირდა, რას ვმალავდი მუჭში. ბოლოს ვუთხარი, ბაბუაწვერა მაქვს და არ მინდა გაფრინდეს მეთქი. მაშინ მასწავლა, გახსენი მუჭი და წერილი გაუგზავნე ვინმეს, ვისაც გინდა, თან სათქმელი დააბარეო. მას მერე ბაბუაწვერას რომ მოვიქცევდი მუჭში, წერილებს ვაგზავნიდი, ხან ბებიასთან პაპასთან, დედასთან, მამასთან, მოკითხვას და სიყვარულს ვატანდი, როცა მათგან შორს ვიყავი.
No comments:
Post a Comment