გვირილა
გვირილების ცაზეც გამოადარე,
კმარა,ღმერთო,რაც ველ-მინდვრებს აპკურე...
მე გვირილას ქარის წისქვილს ვადარებ,--
იმედს ფქვავს და დამშეულ სულს აპურებს.
.„ვუყვარვარ თუ არ ვუყვარვარ"...ნეტაო?
ამ სიტყვებით მრავალს გაგვიპუტია...
„--რას მერჩოდა?რატომ გამიმეტაო?"
ერთს არ იტყვის,--სულ არ არის ბუტია.
სიყვარულს ხომ ვერვინ დავემალებით,
არც მთავრდება სიყვარულის არაკი...
ის კი გვიცქერს გულუბრყვილო თვალებით,
როგორც ხატში შესაწირი ზვარაკი.
რომ მიყვარხარ,იცი,მაგრამ ჯინაზე
ფურცლებს აწყვეტ და „მამოწმებ გვირილით,"
შეიბრალე, კარგო, მისი სინაზე,
თორემ თვალებს დაიოსებს ტირილით!
ელგუჯა ციგროშვილი
ქ.თესალონიკი. 24.07.2016 წელი
No comments:
Post a Comment