წადი, ქართველო, წადი!!!
თუ არ მიგიდის გულთან
შენი სამშობლოს დარდი,
სხვა იკისრებს შენს ურვას,
წადი, ქართველო, წადი!
თუ მალე ქართულ ანბანს
აღარ ისწავლის ბავშვი,
,,nicht" - ს იტყვის ,,არას"ნაცვლად,
წადი, ქართველო, წადი!
თუ არ გაწვება ბურთად,
ეს ნოსტალგია მზარდი,
გადაივიწყე სულმთლად,
წადი, ქართველო, წადი!
ღმერთს რაღა უნდა უთხრა,
როცა მიგიხმობს მაღლით,
სად განაბნიე ურცხვად,
ბრძენი წინაპრის მადლი.
სადაც არ უნდა იყო,
ყველგან დაგლოცავს დედა,
წადი, ქართველო, წადი,
აქ მზეს თუ ვეღარ ხედავ!
მაია დიაკონიძე
2.03.2024 წელი
No comments:
Post a Comment