თუ არ ვასწავლეთ ! ავტ. ელგუჯა ციგროშვილი ახალი ლექსია

 თუ არ ვასწავლეთ !

( ,, ცემა გმართებს გამზრდელისა ,

რა ყმა ნახო , ავად ზრდილი .")

1 . უვიცობაა ,, მოდაში " ახლა ,

ძალზე ბევრია ამყოლი მოდის ...

სირცხვილით ვიწვი ,

თავს ვერ ვწევ მაღლა ,

როცა ასეთი თაობა მოდის .

2 . და თუკი მართლა ,

,, გვარზე ხტის კვიცი ,"

ცრუ დამრიგებლად

ნუ ჩამთვლით ჭკუის ,

დღეს თუ თაობა

მოდის უვიცი ,

ამაში ჩვენი თაობა ტყუის .

3 . არ დაგველია

მიზეზი შუღლის ,

ქვეყნის პროგრესის

შედეგი : ~ ნ უ ლ ი !

თუ არ ვასწავლეთ

გაწევა უღლის ,

როგორ გაავლონ

მათ სწორად ხნული ?

4 . მე ჩემ წილ ცოდვას

არ ავიცილებ ,

,, განტევების ვაცს "

არ ვეძებ სხვაში ,

მაგრამ არ ვიცი ,

თუ არგებს შვილებს , ~

სილის შემოკვრა

გამზრდელის ყბაში !

5 . ნუთუ არ გვინდა

ნათელი ხვალე ,

ასე რთულია

ეს განტოლება ?

თუ არ ვუშველეთ ,

ძალიან მალე , ~

მამულს პატრონი

არ ეყოლება !

ელგუჯა ციგროშვილი .

ქ . თესალონიკი .

5 . 10 . 2019 წელი .

ყველა რეაქცია:

9ელგუჯა ციგროშვილი, Tamar Tsomaia და 7 სხვა პიროვნება