შენ, მერიქიფევ!
თუკი გამცვალე, ჟამს მიმეცი
საფლეთ-საჯიჯგნად,
თუ თვალში ძეძვი ამოვიდა
სიყვარულისთვის შენი თავი
როცა დამჭირდა,
შენ, მერიქიფევ, გეძებე და
არსად იყავი!
რომ ჩამოგესხა ჩემთვის ღვინო,
ალადასტური,
სისხლს დაეარა ამ ძარღვებში,
ტრფობის დასტურად,
ვერ შევეგუე მე ამინდებს
ეგზომ ცვალებადს
და უშენობას ვამჯობინე
გარდაცვალება.
მაია დიაკონიძე
29.02.2024 წელი
No comments:
Post a Comment