შეხვედრა, ავტ. თინა ჯანიბეგაშვილი

 შეხვედრა

****

ვერ გამაოცებ ახლა ვერაფრით,

ანდა,რა უნდა მითხრა ისეთი,

დრომ გაიყოლა,თუ რამ გადამრჩა,

არ შემარჩინა ოდნავ მცირედიც....

გადაირია იმდღეს ამინდი,

დიდთოვლობისას შემომხვდი რაღად?

შენ სხვათაშორის მკითხე: "როგორ ხარ?"

მეც სხვათაშორის: "რა მიჭირს,კარგად!"

ჩვენი ცხოვრების დიდმა მდინარემ

ტალღების თქეშით გადაიარა,

წყალს გაღმა ისევ ჰყვავის კუნელი,

გამოღმით მხოლოდ ეკლის ხვიარა...

"მე შენი ყველა ლექსი მაოცებს!"

თქვი და ..ფიფქები შეჩერდნენ წუთით,

და მეც "უბრალოდ" გითხარი: "გმადლობ,

პოეზია ხომ მადლია უფლის!"

გაურკვევლობის ბურუსი,შორი,

სულში გამჩხვლეტავს,როგორც ისარი,

ის უთქმელიბა მაწვალებს დღესაც,

რომ უნდა მეთქვა და არ გითხარი....

ფეხქვეშ ხრაშუნი ისმოდა თოვლის,

("ნუთუ,ამ დღესაც ხსოვნა აითვლის?")

" გაჭირვეულდა ამინდი!"-თქვი და

მეც: "არა უშავს,ესეც გაივლის!"...

თუმცა კი ვიტყვი,ლამაზად თოვდა,

არა წყენით და არა ყვედრებით,

ჩვენ მივდიოდით თოვაში ორნი,

უკან რჩებოდნენ ნაფეხურები...

ყველა რეაქცია:

67თქვენ, ელგუჯა ციგროშვილი, Elza PaPuashvili და 64 სხვა პიროვნება