მზის ჩასვლა მახსოვს!
მზის ჩასვლა მახსოვს, ვუყურებდით
მე და ბებია,
აივნის ტახტზე, გვერდი გვერდზე
მთის წვერზე ღრუბელ-ალუბლები
როგორ წვებიან,
და ნიშანს გვაძლევს ხეზე ჩიტი
გამოდარების.
თმებს მიწნავს ბებო, თან ბუტბუტებს,
თითქოს მუდარით,
,,რა გინდა, მზექალ, გავამზადო
ვახშამზე შენთვის?"
,,სავსე ხომ იყო ოქროს კვერცხით მზის საბუდარი", -
თვალმწვანე ბებოს ვეუბნები:
,,შემიწვი კვერცხი!"
მაია დიაკონიძე
30.06.2025 წელი
No comments:
Post a Comment