ფერმიხდილი თუ შემოგხვდი სადმე გზაზე,
მინდა მიხვდე, შენზე ფიქრმა გამათეთრა,
რაც წახვედი, არ მეღირსა ტკბილი ძილი,
ნეტავ, რატომ გადამეცი ანათემას.
შენ წამართვი სილაღე და ფრთაგაშლილმა
ვეღარაფრით გადავლახე სახლის ზღუდე,
გელოდები, კვლავ აქედან გაუსვლელად
იმედები დავიტოვე, თურმე ფუყე.
სად ხარ, სად ხარ, იქნებ ხმა ხარ არ მოსული,
ან არწივი, ლურჯ ღრუბლებში აფრენილი,
იქნებ გედი, აქვე ტბაზე მოცურავე,
იქნებ სვეტი, მზის სხივისგან არეკლილი.
თუ შემომხვდი, დამინახე ფერმიხდილი,
მიხვდი, შენმა სიყვარულმა გამათეთრა,
არაფერი არ ყოფილა დრო, მანძილი,
დაგინახო, იმას ვნატრობ, ჩემო ერთავ.
No comments:
Post a Comment