სადღეგრძელო საქართველოზე
მინდა შევსვა სადღეგრძელო ჩემი კუთხის, ჩემი მხარის, ჩემი დედა - საქართველოს, ღვინო შევსვა სავსე თასით. ვადღეგრძელო ჩვენი ბგერა, იაკობის "დედა-ენა", შოთას "ვეფხისტყაოსანი" და ილიას სიტყვა ზენა. ვაჟას ია, თუ წიფელი, ჩემი სულის ქნარზე უკრავს, ვადღეგრძელო ის ბუნება, რასაც მისი ენა უდგას.. ვადღეგრძელო ყველა ის, ვინც მამულისთვის თავს გაწირავს, ვინც მტერს მტრულად დაუხვდება, ვინც სამშობლოს მიწას იცავს, ვინც სიკეთის მთესველია, ვინც მოყვარის მძებნელია და სხვა ქვეყნის მიწა- წყალზეც უდრეკელი ქართველია! ჩვენი დედა - საქართველო, სალოცავი, საფიცარი, იყოს ყველა ქართველისთვის უკვდავების წყაროს თვალი.! / ი.კვაში/
No comments:
Post a Comment