ბუხარში ისევ გიზგიზებს ცეცხლი,
გიზგიზებს ცეცხლი და მეპარება,
შენს ტუჩებს ვუმზერ ორად გაპობილს
და მემატება აღფრთოვანება.
მომჩერებიხარ ველური გზნებით,
თვალებში გიჩანს ცეცხლის ენები,
თითებს გაწოდებ ასჯერ დაკოცნილს,
ნაკვერჩხალივით მეწვის ტერფები.
მეც მინდა კიდევ შემახო ბაგე,
რომ კიდევ ერთხელ დავიწვა ცეცხლით,
ამოუხსნელი ჩემთვის ხარ საგა,
თვით დორიანის მზერით და ეშხით.
.
No comments:
Post a Comment