შენ გაიქცევი, როგორც ყოველთვის,
მე კი ფიქრებით დაგედევნები,
სიცარიელე დარჩება ჩემთან,
შენ წამოგყვება სევდის პეპლები.
არ მოგასვენებს მისი სიმძიმე,
სულს აგიმღვრევენ ჩემი თვალები,
შენ დაბრუნდები, როგორც ყოველთვის,
"ღამენათევი და ნამთვრალევი"...
შენ დაბრუნდები და ფანჯრებს იქით
ფერებს შეიცვლის მთელი სამყარო,
მთვარე მაჩუქებს სხივების ღიმილს...
მე შენს ნაბიჯებს კართან ვდარაჯობ.
მაია დიაკონიძე
7.10. 2013 წელი
No comments:
Post a Comment