მე მხოლოდ ღმერთთან მსურს საუბარი,
ის ჩემთან არის, ან უფრო მაღლა,
ათასი ტყუილი, ათასი წყენა
დამგროვებია და სულ თან მახლავს,
საფიქრალს ჩემსას არ უჩანს ბოლო, -
მომგლიჯეს გული, დასერეს დანით,
ბევრჯერ ღალატის დამარტყეს ტყვია
და სულმდაბლობა შევიცან კაცის.
ღმერთო, ძლიერო, მომეცი ნება,
გულის კარები ჩავრაზო მყარად,
შევძლო შევცვალო, რის შეცვლაც ძალმიძს
და რაც არ ძალმიძს, ტანჯვისთვის კმარა.
No comments:
Post a Comment