ქარმა ღრუბლები გახედნა,
როგორც რაშები, მირბიან,
თვალებს დაჭყიტავს მნათობი,
ხან სანახავად ძვირია.
წითელ-ყვითელი ფოთლები
ჩამწკრივებულან ჯარებად,
მიქრიან, სადღაც მიქრიან,
ნაღველის ამოსაღებად.
ცაზე ხან ელვა ინათებს,
ხანაც გრუხუნებს ზეცაო,
ალმასისფერი წვეთებით
ქვეყანა გადირეცხაო.
მოვალ, მეც მოვალ ზევიდან,
წლების და წლების მერეო,
იქნებ გამოვყვე წვიმასა,
სიცოცხლით ვავსო ღელეო.
No comments:
Post a Comment