ნანახი სიზმრებით დასრულდა ზღაპარი.
მას შემდეგ ზამთარი, ყინვა და ქარია,
სისხლძარღვებს ყინულის სალტენი დაადეს,
სარქველებს გულისას დაუხშეს კარია.
ზარდახშის კედლებსაც გასცლია ფერები,
სულ ყალბი აღმოჩნდა ზურმუხტიც, ლალებიც...
საფირონს, რომელიც მზესავით ელავდა,
ლურჯ ფსკერზე დაეტყო ურიცხვი ბზარები.
დასრულდა სიზმარი, გრძნობებზე აცრილმა
დავკეტე ნიშა და ჩავრაზე კარები,
თუმც ვზარდე ნერგები, ღრმადა აქვთ ფესვები...
სევდიან ფიქრებით ღმერთს მივეკედლები.
No comments:
Post a Comment